TUALCHHUNG NEWS [as on Vol.XXIX - Issue No.26 - dt.3.7.2011]

•  Pu Robinson Lawmkima s/o H.L.Sangnghina (L) T.Sec chuan Mizoram University hnuai atangin Doctorate Degree a hmu a, a thesis chu ‘ Landslide studies in and around Aizawl City, Mizoram, India’ tih a ni. Pu Robinsona hi College Veng atanga zirchhuak ah chuan Doctorate Degree nei hmasaber niin kan hria a, kan lawmpui hle.

• Tv. Lalrinpuia s/o H.Rosema T.Sec chu Australia a Byronbay khuaa Audio Engineering zirturin ni 30.6.2011 khan Australia a pan ta. Papuia hian Chennai-ah Diploma in Audio Engineer alo zirchhuak tawh a, Australia ah hian a zir zawm dawn a ni.
  
• Tv. Benjamin Vanlalruata s/o P.C.Lalropara, K.Sec pawh Chennai a BBA zirturin ni 26.6.2011 khan College Veng a chhuahsan a, tluangtaka zir turin duhsakna kan hlan a ni.
  
• Tv. K.C.Lalchhuanmawia s/o K.C.Lalhmingliana, T.Sec chu Scooty Accident avangin Presbyterian Hospital Durtlangah enkawl mek a ni. Tv.KCa hi a spinalcord a che deuh niin thu kan dawng.
  
• Pi R.L.Hmunsiami w/o J.Hmingkhuma, K.Sec chu zunkawng thalo avangin Civil Hospital-ah enkawl mek a ni.
  
• Tv.Lalhmangaihzuala s/o H.Lalremliana, V.Sec chu Ahmedabad Bible Seminary-a BD zirturin nimin khan Aizawl a chhuahsan.
  
• Tv.Lalrinawma s/o Malsawmdawngliani, T.Sec chuan ni 30.6.2011 khan Michelle Lalrempuii d/o Sapthlengliana Halliday, Chaltlang South chu ‘tiam tlat e’ a tih pui ta, kan lawmpui hle.
  
• Bialtu MLA Pu K.Liantlinga hnen atanga MLA fund an dawn chu Sporting Club house sak nan hman a ni a, hna kalpui mek a ni.
  
• CSC Football team te chu First Division atangin an tla a, tunah hian 2nd Division ah awmin 1st Division kai leh ngei tura tanlak an tum a ni.