NU LEH PA TE NGENNA

Pathian hruaina azarah Kristian ten kan hunpui pawimawh leh kan hlut em em chu  kan lo hnaih leh ta hle mai. He hun pawimawh leh kan nghahhlelh tlan theuh hi tluang tak leh harsatna awmloa mitinin kan hman tlan theih nan  atih thin dan pangaiin Sawrkar pawh a inpuahchah nasa a. Khawtlang hruaitu, V.C./Local Council leh Branch Y.M.A.te leh khua leh tui dik tak te chu kan khua/veng theuh himna tura a tul ang zela hma la tura beisei kan ni. Chu chu khua leh tuite mawhphurhna  ani tih hriain Local Council leh Branch Y.M.A. chuan Joint Committee neiin Mipui him nan nasa zawka hma lak nise tiin a rel a.. Hetiang hna hautak leh pawimah hlawhtling taka thawk tur sum leh pai a ngai a tanrual a pawimawh a. Chuvangin Nu leh Pa leh khawtlang mipuite in mi tawiawmna leh  tanpuina, Full Suport kan rawn ngen che u ani.
lOCAL cOUNCIL &Br.ymaJoint Committee-in a rel angin 10th  December 2011, Inrinni zan atang phei chuan ngawrh leh strict taka veng chhunga Duty turin ruahmanna pawh peihfel ani tawh a. Duty tura ruatte pawh kan hun zelah thahnem ngai turin kan inhriattir a. Heng Voluntary hna, a bik takin sualdo leh veng then thianghlimna hna phei hi chu hnathawh nuamlo berte zing ami ani. Chuvangin midang thawh atana khek mai loin - Sualdo ngam ringtu, sual haw ngam Kristian, sualdo ngam Khua leh Tui kan nih a tul ta.
Tin, Ruih hlo chi hrang hrang  Zu, Ganja leh damdawi hmansual theih chi hrang hrang lakluh leh zawrh College vengah phal ani lo a, hetiang tilui an awm chuam dimdawi an ni dawnlo a. Ruih vang emaw engvangmaha midang tiralti leh tithlabar zawng a buaina siam leh bengchheng siam phal anilo, a tilui chuan zilhna an dawng ngei dawn ani. Pawimawh em em dang leh chu naupang kum tlinglo, zana khawlaia an chhuak hnem lutuk hi ani. Kum 11/12 mi lek lek, khawlai leh thlanmuala an khawsak dan hi nu leh pate tan chuan hmuh ngam pawh ani lo ang. Heng naupang te te, ngaihdan hran nei rual pawh la nilo, tharum pawha kan la hneh lai na na hi chuan khawlaia chhuak tamlo turin i thunun hram hram teh ang u. Tin, kan faten thil sual an tih a pawi an khawih hian nu leh pa thenkhat ten vuipui kan ching, heihi a pawi khawp mai, sual ti turin kan fate kan fuih tihna ani hial awm e, i in enfiah ang u.Mipui mimir nun, naupang leh hmeichhe chaklo zawk ten thlamuang taka nun an hman theih nan misual leh awmtha duhlote chu dim an ni dawnlo a, fimkhur hle turin kan inchah nghal bawk e.
Atawp berah chuan Sawrkar pawhin a khap, mihring hriselna atana pawi thei puakthei leh halmawi chi hrang hrang, sawrkarin a khap chi reng reng veng chhungah zuarlo tur leh hallo turin kan in hriattir nghal bawk e.
Hun kal kal tawha in mi tawiawmna avangin lawmthu kan sawi a, Duty hahte tana tanpuina petu zawng zawngte chungah leh Moral support min pe thin tute zawng zawng chungah Joint Committee hmingin lawmthu kan sawi mawl mawlh e.