CHHIATNI A THALAITE MAWHPHURHNA - P.C.ZORINMAWIA
CHHIATNI A THALAITE MAWHPHURHNA
(By P.C.Zorinmawia, Gold Medalist, Br.YMA Sports 2011 Article writing Competition on Category-II)
(By P.C.Zorinmawia, Gold Medalist, Br.YMA Sports 2011 Article writing Competition on Category-II)
Mizo nih tinuamtu leh inchhuanna tham chu chhiatni-thatni lo thlen changa thenrualte kan intawiawm dial dial hi a ni. Khawtlang chhiat that nikhuaa tlamuanna chu Thalaite kuta awm a ni, a, a tul tul thawkin puihngai chhungkuate puitu an ni thin. Thalaite tlawmngaihna chuan khawtlang leh veng a chawimawi a, a hnam pum pui hian a chawimawi thian a ni.He nunmawi leh duhawm tak hi hmanah hmanah, pipute hun lai atang tawh khan Valupate uapna hnuai atangin kan chhawm chho tawh a, hun a kal zel a, hmasawnna leh changkannain a ken tel thil hrang hrang te avangin hmanlai hun ang diak diak chuan a kal theih tawh hauh lo mai, tunah chuan YMA thlazar hnuaiah thalaite nunmawi chu a lo par chhuak ve ta thung a, he thalaite nunmawi tak hi chhiatni a lo thlen hian engtinnge kan par chhuah tir ang tih chu “chhiatni a thalaite mawhphurhna” tih hmang hian in sawi zau dawn teh ang.
Khawtlangah chhiatna hi kawng hrang hrangin a thleng thut thei8 reng a, thihna te, mi bo te, tawhsual tawh thut (accident) hrang hrang (Motor, tui tla, etc) te damloh manganna te leh chhungkua leh mimal a harsatna thleng thei hrang hrang te hi chhiatna kan tih chuan a huam thei ang a, hengah hian mawhphurhna la nasa bertu te chu thalaite an ni ti ila kan sawi sual tam lovang. Hetiang a lo thlen tawh hi chuan Thalaite chet vat vat a tul tawh thin a, an kutah khawtlang mawina chu a innghat tawh miau a ni . Heng nikhua a thalaite mawhphurhna te chu kawng hrang hrangin in thlir chho dawn teh ang.
Khawtlanga chhiat kan tawh tamna ber chu Thinna hi a ni. Thinna a lo thlen meuh chuan Thalai a hre hmasa apiang chhiat tawkte in lamaha an tlan zung zung a, tih tur tul apiang an khawih zung zung thin a, upa deuhte chuan hetiang nikhua hian “kan mualpho” an ti hial thin a ni. Mahse chu chu chhiat tawk chhungte tan chuan a lawmawm em em thung si a ni. Tunhma angin khawtlangah thihna a lo thlenin a tih theih tawh vek lo a, hmasawnna leh changkanna hian tih tur kawng dang min hersan pui nual tawh a, chin dan ngai ang a kalna tam tak ala awm thei bawk a, chungte chu kan sawi dawn a ni.
Thalai tan chuan kahwtlangah thihna tawk an lo awmin, hriat veleh thihna tawk te in lam pan a kal nghal mai tur a ni a, an in lamah tih tur tul apiang, inchhung singsak te, thutna i o fahran han singsak leh rem fel te, thingpui lumna tur buatsaih leh daihlim zar te thlengin thalaite mawhphurhna vek a ni. Tlaivar pui ngai a nih chuan tlaivar leh chumi hnua khawhar chhungte lenpui thlengin thalaite hna vek a ni a, hetiang nachang hrelo thalai kan tam tial tial a, hnathawhna avanga remchang lo chu awm theih ani ang, amaherawhchu heng hi thalai hna a ni tih hria a, a thei tawh phawt chuan tih ngei ngei tur thil a ni.
Mipa tan bik khawhar chhungte riahpui hi tih makmawh a ni bawk. Khawhar chhungte khawharna hnem tur a riahpui hi a tangkai em em a, hnawksak zawng chuah a riahpui pawh awm thei a ni, chumi lakah chuan thalaite fimkhur atul bawk. An khawharna hnem thei turte in rilru buatsaih a ni. Tunhma chuan inriak tlangvalte chuan tuian chawisak a, thingtuah an ngaihtuah sak thin. Heng hi tunlaiah chuan a rem chiah tawh lo ang, mahse hun in her mil hian hnathawh sak tur tam tak a awm thei tho mai a, chung ang hriat zung zung chu thalai inriak te mawh a ni. Entirnan, zing thawh veleh thutna i lo lo remfel vek te, tual hnawk han phiah fai sak mai mai ang te pawh hi a mawiin a tha takzet a ni. Hmeichhe tan chuan inchhung thensak te, eirawngbawl sak te, an mamawhna ang zel a mitthi chhungte puihbawm hi bengvarna tha tak a ni bawk.
Tlangval chuan ruang niah thlan laih hi a ko a lum, mawhphurhna nghet tak a ni. Thlan laih hi Mizo tlangval kei ka ni ti tan chuan kan mawhphurhna a ni a, YMA tih vanga lai ni oin Mizo tlangval nihna avanga lai kan ni tih hriat a tul khawp mai, tumkhat Minister pakhat zin chhuak chu khaw pakhatah YMA hruaitu pakhat hian khawtlang tan tiin Silpaulin a lo dil a, Minister chuan a lo keng remchang mang si lo chu chu YMA hruaitu chuan “Min pek loh chuan YMA hian thlan kan lai tawh lovanga tunge lai ta ang, engtinnge i tih ang?” a lo ti rawk mai a, chu Minister chaun, “YMA in thlan in laih loh chuan Mizo tlangvalin an lai anga a ni mai a lawm,” a ti hmiah mai a ni. Hei hian thlan laih hi Mizo thalai nun a bet tlat, kan mawhphurhna a ni tih a tarlang chiang hlein a lang.
Nulain thlanlai tlangval thingpui leh tui ilo fahran han ken sak/pek te hi an hna a ni bawk a, chumi rual chuan mitthi buhfai khawn leh tul tul thawh an hna a ni tel bawk a, tlangval chu zualko ngaiah chuan a sur a sa chhun leh zan sawi lovin tunhma chuan an tlan zung zung thin. Tunah chuan changkannain zualko kal a ti bo ta, chumi rual chuan zualko dan dang leh awlsam zawk kan neih Phone hmanga zualkoah hian thalaite hian kan phone te hman tir zung zung thin ila a mawi hle bawk a ni. Hei hi tlawmngaihna lan chhuahna kawng dangah tangkai takin a hman theih tlat a ni.
Nula tlangval, thalaite tan chuan damlo na zual in lam emaw damdawiin lam emaw pawh nise menpui te, khuala ruang lo theng tur lo hmuah te leh atul phei chuan tlaivar atul chen chen tlaivar pui mai te hi mawhphurhna a lak thiam tur a ni. Thingtlang hmun tak takah chuan khual lam hla atanga ruang lo theng tur nghak hian zan hnih zan thum te an tlaivar zawn mai thin a, hei hi a mawi hle a, chin zui zel chi a ni. Tin, damlo na, mangang tak tak thisen mamawh tak takte tan a mahni thisen pek thlengin thalaite chuan kan kovah kan nghat thiam tur a ni a, heng nachang hriat loh chu mahni mai bakah khawtlang mualphona a ni tih hriat atul hle bawk a ni.
Nula tlangval, thalaite tan chuan damlo na zual in lam emaw damdawiin lam emaw pawh nise menpui te, khuala ruang lo thleng tur lo hmuah te leh atul phei cuan tlaivar atul chen chen tlaivar pui mai te hi mawhphurhna a lak thiam tur a ni. thingtlang hmun tam takah chuan khual lam hla atanga ruang lo thleng tur nghak hian zan hnih zan thum te an tlaivar zawn mai thin a, hei i a mawi hle a, chin zui zel chi a ni. Tin, damlo na, mangang tak tak thisen mamawh tak tak te tan a mahni thisen pek thlengin thalaite chuan kan kovah kan nghat thiam tur ani a, heng nachang hriat loh chu mahni mai bakah khawtlang mualphona a ni tih hriat a tul hle bawk a ni.
Accident hrang hrang a lo thlen changa, chhiatna hmun thlen vat a, a tul ang anga chhiat tawkte tanpui, hliam ilo seng hawi te, ruang sawngbawl te, heng ang buaipui nana, mahni lirthei phal taka hman tir te hi thalaiten mawhphurhnaa lak thin tur a ni bawk. Mibo te tuitla te an awm changin thalai tan chuan hmuh hma chu zawn a mawi thin, kan mizo danin ni sarih chhung chu beisei awm lovah pawh zawn mai thin a ni.heng nikhua hian thalaite’n kan hna tih hriat chian hle a tul. Hei bakah hian chhiatna hmun pantu ruang/mibo zawngtu tlangval chuan puan a pai ngei tur a ni, a tul phawt chuan ruang tuam nan te, hliam tuam na atan te a hmang mai tur a ni. Tin, chaw fun a bawk ngei tur a ni, a mi zawn chu chau chhe tak, tamchhawl chunga a hmu a nih pawhin a hrai puar thei ngei tur a ni a, hetiang nachang hriat loh chu a mawl thlak hle tur a ni.
Chhiatni ah hian thalaite chuan upa rorel zawm mai tur tih hriet a tha bawk. Thihna kan tih ah te, ruang buaipuinaah te, accident hrang hrang thlenne hmunah te, mibo zawnnaah te, tuitla zawnnaah te, tuitla zawnna hmun kan tih ang chi zawng zawng ah hian mahni duh thu a ping pei kual vel mai mai loh tur a ni.heng nikhuaah hian rual u te leh upa te rorel ngaihchan thin tur a ni a, “Aia upa te hmaah sa mitmu an kher ngai lo,” tih thufing neitu kan nih angin kan ngaichang thiam tur a ni. Upa hmaah sa mitmu kan lo kher hlauh palh ang e.
Thalai tan chuan khawtlangah damlo mangang an awm leh awm loh hriat zung zung te hi thil tih makmawh a ni a, chung damlo chhungkua chuan puih an ngai em tih thleng a hriat a, a tul ang ang a puih mai zel te hi mawhphurhna pawimawh tak mai, hman atanga kan hnamin kan chhuam tlat thil a ni. Tanpui ngai tanpui a, a let leh lam phut nei hauh lova thawh a, hmingthatna leh hmel mawi na hlawh tum ran ni si lova thawh hi Mizo thalai chuan a mawhphurh a a ngaih thin chu a ni.
“Thihna avanga ram a fel dawn chuan kei a hmasa ber,
Nunna avanga ram a fel dawn chuan nang hmasa la le...” tih hla angin, kan tawrhna leh kan thihna mang m,ang tur pawh nise, khawtlang leh hnam hmel a mawi dawn a, tanpuina mamawh ten min chhawr theihna a nih phawt chuan ti a a hmasa ber nih ngam hi thalai te kan chanvo a ni.Chumi ah chuan Mizo thalai dik tak, tlawmngaihna nunpuitu chuan fak a phut lova, mi hriat kher a phut ngai hek lo, a tih tur ni a a hriat chu tlang tak leh ngawi rengin Mizo tlangval chuan a thawk mai thin, chumiah chuan chawimawina te, hmingthatna te chu a tum vang nilo leh a duh lo chung chung in a hlawh zawk thin a ni.
He zia hi tunlai thangthar te pawhin kan chhawm ngei tur niin a lang. Mahni in dah tha chung a, “Thih leh ruam khatah, dam leh tlang khatah,” titu hnam kan nih ang ngei a, mahni nunna ngei pawh midangte tanpui nan chuan thlahlel lo thei nih tum hi thalaite tan chuan mawhphurhna ropui ber a ni.
Accident hrang hrang a lo thlen changa, chhiatna hmun thlen vat a, a tul ang anga chhiat tawkte tanpui, hliam ilo seng hawi te, ruang sawngbawl te, heng ang buaipui nana, mahni lirthei phal taka hman tir te hi thalaiten mawhphurhnaa lak thin tur a ni bawk. Mibo te tuitla te an awm changin thalai tan chuan hmuh hma chu zawn a mawi thin, kan mizo danin ni sarih chhung chu beisei awm lovah pawh zawn mai thin a ni.heng nikhua hian thalaite’n kan hna tih hriat chian hle a tul. Hei bakah hian chhiatna hmun pantu ruang/mibo zawngtu tlangval chuan puan a pai ngei tur a ni, a tul phawt chuan ruang tuam nan te, hliam tuam na atan te a hmang mai tur a ni. Tin, chaw fun a bawk ngei tur a ni, a mi zawn chu chau chhe tak, tamchhawl chunga a hmu a nih pawhin a hrai puar thei ngei tur a ni a, hetiang nachang hriat loh chu a mawl thlak hle tur a ni.
Chhiatni ah hian thalaite chuan upa rorel zawm mai tur tih hriet a tha bawk. Thihna kan tih ah te, ruang buaipuinaah te, accident hrang hrang thlenne hmunah te, mibo zawnnaah te, tuitla zawnnaah te, tuitla zawnna hmun kan tih ang chi zawng zawng ah hian mahni duh thu a ping pei kual vel mai mai loh tur a ni.heng nikhuaah hian rual u te leh upa te rorel ngaihchan thin tur a ni a, “Aia upa te hmaah sa mitmu an kher ngai lo,” tih thufing neitu kan nih angin kan ngaichang thiam tur a ni. Upa hmaah sa mitmu kan lo kher hlauh palh ang e.
Thalai tan chuan khawtlangah damlo mangang an awm leh awm loh hriat zung zung te hi thil tih makmawh a ni a, chung damlo chhungkua chuan puih an ngai em tih thleng a hriat a, a tul ang ang a puih mai zel te hi mawhphurhna pawimawh tak mai, hman atanga kan hnamin kan chhuam tlat thil a ni. Tanpui ngai tanpui a, a let leh lam phut nei hauh lova thawh a, hmingthatna leh hmel mawi na hlawh tum ran ni si lova thawh hi Mizo thalai chuan a mawhphurh a a ngaih thin chu a ni.
“Thihna avanga ram a fel dawn chuan kei a hmasa ber,
Nunna avanga ram a fel dawn chuan nang hmasa la le...” tih hla angin, kan tawrhna leh kan thihna mang m,ang tur pawh nise, khawtlang leh hnam hmel a mawi dawn a, tanpuina mamawh ten min chhawr theihna a nih phawt chuan ti a a hmasa ber nih ngam hi thalai te kan chanvo a ni.Chumi ah chuan Mizo thalai dik tak, tlawmngaihna nunpuitu chuan fak a phut lova, mi hriat kher a phut ngai hek lo, a tih tur ni a a hriat chu tlang tak leh ngawi rengin Mizo tlangval chuan a thawk mai thin, chumiah chuan chawimawina te, hmingthatna te chu a tum vang nilo leh a duh lo chung chung in a hlawh zawk thin a ni.
He zia hi tunlai thangthar te pawhin kan chhawm ngei tur niin a lang. Mahni in dah tha chung a, “Thih leh ruam khatah, dam leh tlang khatah,” titu hnam kan nih ang ngei a, mahni nunna ngei pawh midangte tanpui nan chuan thlahlel lo thei nih tum hi thalaite tan chuan mawhphurhna ropui ber a ni.
No comments: