---

Hman lai chuan lehkha zirna tur emaw ziaka inbiak pawhna tur Mizote hian kan nei lo. Tuifinriat ral ram hla tak atanga Missionary local Rev. S.W. Savidge(Sap Upa) leh J.H. Lorrain (Pu Buanga)-te ni 11th Janmuary, 1894-ah Aizawl an lothlenin Roman scrip-in A, AW, B min siamsak a, pi leh pute kha zirtir nghalin an thiamn tir ve mai a. Rev.D.E. Jones(Zosaphluia) lo thleng leh in ni 15.2.1898-ah a chenna bathlar(tuna Mizo Synod Press kawt)ah lehkha zirtirin Rev.Edwin Roland (Zosapthara) lo chhuak lehin a chenna in bulah School sain ziak/chhiar bakah Pathian thu, Zai leh Solfa-te a zirtir chho a.Chawlhni Inkhawmna atan an hmang zui thin. Hei hi Zoram Zirrna School hmasa ber Sikulpui Govt. Boys M/S leh abula Sikul Sen Govt. Primary School-te Din tanna a ni.Kan rama zirna lo zik chhuah dan hi a hluin Pathian remruatna ni ngeiin a lang. Lower Primary Scholarship (LPS) Exam hmasa ber Class IV zir zawhin kum 1903 ah neih a ni a, exam beitute pawhin tha takin an passed vek. Zosap Missionery-ten taima tak leh thiamtir ngei tuma an zirtirna rah chu vawiin thlengin Mizote’n kan chhawr ta chu a ni ber mai.

Assam Sorkar Chief Commissioner pawhin Missionary te’n tha taka zirna an enkawl avangin Rev. Edwin Roland chu Honorary Inspector of School (Zirna School-a hotu ber)-ah a ruat ta hial a ni. Hemi hnu zirna sang zawk a lo din leh pawhin School Head pawh Zosap Missionary-ten an thawkj tan zel (1944-ah Mizo H/S,Aizawl Head Master hmasa ber Rev. J.M.Lloyd, Lunglei H/S 1948-ah Rev.R.F.Tuckerr-te, kum 1958-ah College a lo ding a,. Principal-ah Bro.God Frey, hemi hnuah Rev.J.M. Lloyd te). Zoram chhim lamah thung chuan kum 1919-ah Missionary Miss E.M.Chapman(Pi Zirtiri) leh Miss Olive Dicks(Pi Daktori)-ten Serkawn an lo thleng a, Pathian thu leh ziak leh chhiarte zirtir hna an thawk ve nghal a, kum 1921-ah Mau rap In sain hmeichhe tan Boarding School an hawng a, heta zirtur hian Mizo hmeichhiate an sawm a, Pathian thu bakah hriselna leh inchhung khawsak (Hygiene & Domestic Economy)te an zirtir ber a. An zirtir taimak leh ulukna avangin a hlawhtlingg chho hle a. Heng hlawhtlinna sengtute chu Mizo hmeichhiate vek an ni. Kum 1951 atang phei chuan mipate pawh he School-a an zir ve theih nan Co-education-ah dah zui a ni ta.

Lushai Hills chu April,1952-ah District Council-ah dah a ni a. Zosap Missionary-ten Zoram hmun hrang hranga zirna an enkawl a. Assam sorkar pawhin zirna School zawi zawiin a rawn dah belh ve zel a. Mautam tam 1958-ah a tla a, Ei leh bara harsatna hrang hrang kan tawk a, Kum 1966-ah Zoram buai alo chhuak leh a, khaw tam tak sawikhawm a ni a. Ei leh bar zawnna a harsat bakah zirna-in thenkhat hmun hrang hrang ami Sipaiin halin, a then an luah a Zosap Missionary-te Central Sorkar-in awmzui an phalta lova. Zirna lam pawh engemaw chen chu kan bahlah phah a. Ni 21st January,1972-ah Zoram chu Union Territory dihhmunah hlankai a lo ni ta a. Kum 1976 hmalam zawnga zirtur Text Book,Syllabus leh Exam buatsaih hnate chu Assam Board of Secondary Education enkawlna hnuaia awm thin kan ni. Mi thiam hmasa leh ram roreltu-ten Mizoram mamawh hmasawnna tur hmalam thlira nghakhlel taka an lo ngaihtuah thin Zoram zirna kawnga Mel lung pawimawh tak ‘Mizoram Board of School Education’ ni 23rd December,1976 khan a ding ta a ni. Hemi hnu atang chuan Zirna kawnga mamawh Syllabus,Text book Class-XII leh a hnuailam zirtur ruahmante Zirtirtu training School Education-in a kengkawh ta a. Zirnain hma a sawn chak zawk a. Zirlaite mamawh, ram leh hnam hmasawn zel milin an thawk a. Hun lokal zelah kum 1996 atanga Class-XI & XII(College a tel thin PUC) kha School a behtir a nih khan MBSE enkawlna hnuaiah a tel zui ta a ni.

Zirna atana kawng tha buatsaih a sulsutu MBSE kan lo neih tak khan zirlaite pawhin hma an sawn phah hle a, He Board hnuaiah hian Committee peng hrang hrang a mithiamte ngaihtuah leh thurel chhuah Zoram zirna atana tha ber tur chhawp chhuah a ni a. Tun hma zirna kawng chhuk chho taima taka kan rual u-te zirchhuahna kawng hi tunlai thangthar te hian zawh peih hram turin puanven sawi chhing ila. Zirtirtu te pawhin Zirlai an neihte pathian leh ram tana mithiam chherchhuak turin tan han la sela, khawvel ram hrrang hrangin hma a sawna kan Zoram ngei pawhin hmasawnna dik a zawh theih nan titha thiam tak(quality) nei chherchhuyah a tul ta. Hemi atana inbuatsaih taima ila, kawng engkimah chhawr tlak tuyin in puahchah zel ang u. Zirna hun hmasa Missionarry-te enkawlna hnuaia taima leh rinawm taka an thawk ang khan zirtirtute pawhin tan han la leh tak tak sela, thil tha chu a chhuak ngei ang.