VAWI 10 CHUANG VENG FAI LAWMMAN

Faina Hapta Vawi 33-na kharna inkhawm ni 09 October, 2009 khan Vanapa Hall-ah Pu S.Laldingliana, Parliamentary Secretary leh Khuallian ni bawk chuan a hmanpui a, thu sawiin Pu Dinga chuan kum 30 vel kalta kan thlirlet chuan kawng chi hrang hrangin faina kawngah hma kan sawn hle a. Kumin Cleanliness Week hi mipui leh sawrkar kan thawhho that ber kum a ni hial awm e. Faina kawngah hma kan sawn hle chungin hmabak kan la ngah hle a, kan in leh a vel, kan khawpui te bakah kan taksa ngei pawh hi a thianghlim tur a ni a ti a. Faina hi mitinte mawhphurhna a ni tih i hre thar leh ang u. Faina kawngah sawrkar in dan mumal zawk siam a tum mek a ni, a ti bawk.
Inkhawm hi Pu P.Lianhrima, MCS, Secretary, UD & PA Deptt. in a kaihruai a. Pi Lilypari w/o Pu S.Laldingliana chuan fai lawmman dawngtute hnenah lawmman Certificate leh pawisa fai a sem a. Pu F.Lalhmingliana, Sr. Town & Country Planner, UD&PA Deptt. in lawmthu sawiin hun a khar a ni.

Faina Hapta 2009 lawmman latute :
Veng Fai:
        1.    I.T.I. Veng
        2.    Sakawrtuichhun
        3.    College Veng & Ramhlun South

School Fai:
        1.    Government Middle School, I.T.I. Veng
        2.    Government Middle School, Chawnpui
        3.    Government Middle School, Electric Veng

Hospital Fai:
        1.    New Life Hospital, Chanmari
        2.    Vaivenga Hospital & Research Foundation, Dawrpui
        3.    Aizawl Hospital & Research Centre, Mission Veng

Thuziak Tha:
        1.    Zoram Thlirtu
        2.    The Zozam Times
        3.    Morning Post

---

College Veng hian vawi 10 chuang dawn lai Veng Fai lawmman kan lo la

ve ta reng mai a, kan VC te leh NGOs Hruaitute leh Member te taimak
rah tak meuh meuh a ni kan ti lo thei lovang.