ZOFATE TAN SUB CONTRACT A THA EM? [Dt.17th July, 2011]

“Aizawl-Lunglei World Bank kawng hi Bhagheeratha Engineering leh Ashoka Buildcon tangdunte hian kum March 28, 2002 khan sorkar nen inremna siamin an thawk a; thla 36 chhunga zo tura tih an nih laiin, thla 34 an thawh hnuah 20% pawh an thawk hman lo a ni. Dan kalhin an hna thawh lai chu mi dang kutah sub-contract-in an pe chhawng bawk a; hengte avang hian Mizoram PWD chuan contractor-te hna chu tihtawpsakin, mi dang hnenah a pe a ni.World Bank Mizoram State Road Project Director, K Lalsawmvela sawi danin, Bhagheeratha Engineering leh Ashoka Buildcon tangdun hian an hna tihtâwp a nih avangin Mizoram PWD chu High Court-ah an khing a; HC-a an chak loh hnuah Dispute Resolution Board-ah an khing leh a, an chak loh leh avangin New Delhi-a Arbitration Tribunal-ah an vuivaina an thehlut leh a ni. Thubuai hi Arbitration Tribunal chuan a ngaihtuah hnuah, June 19 khan thutlukna a siam dan a puang a, Mizoram sorkar chu thiam a chantir a ni.”
Kan hriat theuh angin kan hnung lawkah khan Mizoram Sorkar leh Bhagheeratha Engineering leh Ashoka Buildcon te inkhinna ah hian Comany ten dan kalh a an chetna pakhat leh thiam loh an channa pakhat chu an hnathawh Sub-Contract a midang an pek hi a ni. Sub-Contract a hnathawh thin hi sawi tur tam tak hria an awm ngei ang. Heng sub-contract a hnathawh thin hi Zoram tan hian a tha in kan hria em le? Contractorin cheng engemawzah a hlep a hnuah Sub-Contract in midang a thawhtir a, Sub-Contract a thawk ten cheng engemawzah hlep turin hna an han thawk leh a, hetiang a nih avang hian kan Contract hna tam tak hi belhchian dawllo leh lak tlak lo tam tak a awm phah thin a ni. Zoram hmasawnna tur tam tak hi Contractor ten anmahni thawh tur ngei ngei Sub-Contract a hna an pek thin avang hian tihchhiat a ni thin niin alang. Kan ram hmasawnna tur hna tam tak hetianga thawh anih thin avang hian kan hmasawnna hmel a taka hmuh tur a awm loh phah a, Hnathawhna tur sum kan hlep chhawng duat thin hian hmasawnna tur tam tak a tibo a ni.
Hmanni lawka Press tour a kalte rawn sawi haw chu NEIGRIHMS(Meghalaya) leh FALKAWN REFERRAL HOSPITAL inthlau lutuk saw a ni. Sum hmuh zat inang reng nisi nasa taka inthat hleih leh Inpuitlin hleih te hi a chunga kan sawi takte pawh khi a chhan tam tak zinga pakhat chu a ni ngei ang. Ngun taka ngaihtuah chianin Zoram tan hian Sub-Contract a hnathawh thin hi a him kan ti em le?Sub-Contract a hna inpek hi Dan kalh alo nih si chuan thuneitu te hnenah kan thlen zel dawn nge? PIL case te hi kan file zel mai dawn... Zoram tan.......