Tualchhung NEWS (as on 26th June, 2011)

• Pu Lalbiaknia H/o Lalremsangi K.Sec chu Presbyterian Hospital, Durtlangah Kalna avangin enkawl mek a ni. 
• Lalngaihzuala S/o P.C.Lalngilneia chu Presbyterian Hospital, Durtlangah Pneumonia avanga enkawl chu damtakin alo chhuak leh ta. 
• Tv Lawmsangzuala S/o B.Lianthangi V.Sec chu Aizawl Civil Hospital-ah enkawl mek a ni.
  Pu P.C.Lalhuaia H/o Siami, K.Sec chu Aizawl Hospital-ah Malaria leh Kal natna avangin enkawl mek a ni.
• Br.YMA-in Gas kan mamawh apianga min ngaihtuahsak thin tu Pu Lalneihkima leh Pu H.S.Vanlalfela te chungah College veng Br. YMA chuan lawmthu a sawi tak meuh meuh a ni.

• PASS THAR TE
  National Open School chuan Class-X leh XII result a tichhuak a, kan vengchhung atang pass thar kan hriat te chu :-
  Class X
  1. Lalrinpuia S/o Chhuanvawra
  2. Jakob Lalruatfela S/o Lalramnghaki
  3. Lalniropuia S/o H.Lalduhsanga
  4. Lalruatkimi d/o Zohluna
  Class XII
  1.P.C.Lalhruaitluanga S/o P.C.Lalthakima
  Heng kan tarlan bakah hian tihhmaih palh kan awm a nih chuan ngaihdam kan dil nghal a, YMA inleng Ed. Board te hnenah hriattir theih reng a ni e.
• HNATLANG KOHNA: Ni 2.7.2011(Inrinni) khian , thlanmual thar ramri chhinchhiah hnatlang neih tura rel a ni a, hemi hunah Branch Executive Committee leh Section Committee zawng zawngte hnatlanga thawhchhuah tur a ni.
• MHIP NEWS
  Dated 16th June,2011(Ningani) zana MHIP Branch Executive member thukhawm chuan ni 6.7.2011-a MHIP DAY’ hman dan tur hetiang hian a rel :-
  1. Member zawng zawngte Mizo Incheiin chawhma dar 10:30 ah function hmang turin Collehe veng Field ah thlenkhawm nise tia rel a ni a, Function hman zawh hian infiamna/intihhlimna item hrang hrang neia hun hman zui tur a ni a, YMA section inthen dan anga intihsiak/Intihhlimna hun hman tura rel a ni.
  Item turte :
                1) Scooty Race 2) 100 mtr Race 3) Kawikah 4) Musical Chair 5) Needle race 6) Sack race
                7) Musical dance 8) Pawh fuh 9) Hrui pawh 10) Football etc.
  2. Kulikawn Hospital, Psychiatrist ward-a awmte chhun thingpui hmeh tur siamsak a pek ve ni se tia rel a ni.
  3. Intihhlimna item hrang hrang neih turah hian tlawmngaia a tul anga MHIP te buaipui turin YMA INLENG Editorial Board leh YMA section hrang hrang OB te sawm nise tia rel a ni bawk.
   ‘MHIP DAY’ hi Mizoram Sorkarin chawlha a puan angin Branch in hman dan tur a duan tawh chu member ten ngaipawimawha, hlim taka hmang tur leh tihlawhtlingtu ni tura ngen kan ni a. Member zawng zawng te he hunah hian kim taka kal theuh turin kan in ngen in kan in hriattir tak meuh meuh a ni.
    College Veng chhunga Hmeichhia tawh phawt chu MHIP day lawmna atana hun ruatah hian kalvek turin kan inngen tak meuh meuh a ni e.
• KHAWTLANG NUN SIAMTHAT By Rosangliana Sailo, Gold Medalist, Br.YMA Sports 2011 Article writing Competition chu ARTICLE (click here) section ah chhiar theihin a awm e.
• 
   COLLEGE VENG CHHUNGA HNAMDANG VAI MISTIRI TE KOHKHAWM AN NI
  Ni 20.6.2011 zan khan College veng chhunga hnamdang awm (Mistiri & Helper) te chu an hlawh Central YMA in a bithliah chungchangah Godfrey Tower ah kohkhawm an ni.
  Hemi zan hian Central YMA in mistiri hlawh Rs.300 a lo ruahman tawh leh Helper hlawh Rs.170 chu hman ngei ngei a nih tur thu hnamdang lokal te hi hriattir an ni a. Hnamdang lokal te hi Central YMA in hlawh a bithliah angin an kal leh kal loh zawh an ni a, Rs.300/- an hlawh vek thu an sawi bawk a ni.
  Kan Branch YMA hruaitu thenkhat te pawhin thusawiin, Central YMA in Mistiri hlawh a bithliah chu hmang ngei ngei tura an duh thu leh hman a nih loh chuan anmahni tana a that loh tur thu te, ram leilung fate thuawih hi an tan himna a nih thu te hrilh an ni bawk.
   Kan veng chhungah hian hnamdang hi 23 bawr vel an awm a, a tam zawk hi Cement Mistiri an ni a, Mechanics leh helper te leh chhang ur te an ni hlawm a ni. Hnamdang han tih hian Sorkar hnathawk eg. Meitei etc te erawh chu kan chhiar tel rih lo a ni.
  Vengchhung Nu leh Pa te pawhin hei hi hre reng turin kan in chah nghal a. Central YMA in Mistiri hlawh Rs.300 leh Helper hlawh Rs.170 a bituk ang hian Hnamdang Mistiri leh Helperte hi ruai turin kan inngen tak meuh meuh a ni. Hetiang baka lo ruai leh chhawr kan awm a nih chuan College Veng Branch YMA chuan na takin hma ala chho dawn a ni.